“نحن مكفايين باللي بلشنا فيه”… هكذا جدّدت ياسمينا زيتون النداء لمساعدة اللبنانيين

تواصل ملكة جمال لبنان السابقة، ياسمينا زيتون، دعمها للمواطنين اللبنانيين في ظل الظروف الصعبة والخطيرة التي يمر فيها لبنان إثر تكثيف العدوان على مناطق عدة.

وفي هذا السياق، نشرت ياسمينا زيتون مقطع فيديو ظهرت فيه لحث متابعيها والعالم بأجمعه على التحلي بالمثابرة والمساعدة، قائلة: “بعرف انو كلنا عم نفكر بنفس الشي، وعم نقطع بذات الشي وكلنا عنا ذات الأسئلة براسنا بس نحن أصلا ما عنا الوقت انو نلاقي أجوبة لهالأسئلة، لأنو بهيدا الوقت في أشخاص ناطرينا نساعدهم ونأمنلهن فرشات”.

وأكملت ياسمينا زيتون حديثها: “لهيك الحل الوحيد انو نكفي تبرعات ونكفي مساعدات، وبدي إشكر كل شخص ساعدنا من أول نهار من أول دقيقة من أول فيديو، لأنو بفضلكن قدرنا نساعد 3 مدارس(..) ونحن مكفيين بالي بلشنا فيه، لهيك لكل شخص بلبنان أو برا لبنان قادر انو يساعد، بتلاقوا الرابط بالبايو لنقدر نساعد أكبر عدد ممكن، شكرا”.