Uncategorized
Mission :possible مع جورج كلوني
جوزيفين حبشي
لنفرض إنو ال mission :possible ، والمقابلة مع جورج كلوني صارت. شو ممكن أم الزوز تسأل أبو جريج؟
زوزو: اهلا اهلا بالصهر. خلينا نبلش بالسياسة طالما نحنا على مشارف حرب عالمية ثالثة. زوجتك أمل لبنانية، وانت والرئيس ترامب مش كتير صحبة،بس معقول ما توقف بصفه وهو عم يحاول يدعم الدولة اللبنانية على حساب الدويلة؟
كلوني : انا معروف بدعمي للحلول الدبلوماسية والسلمية أكتر من التدخل العسكري. لهيك انا بفضل الحوار والمفاوضات على الحرب.
زوزو: بس النا ٤٠ سنة منفاوض ومنتشتش ومندلع، وكل مالو الوضع من سيء الى اسوأ.
جورج: ohhhh tach taché
that’s nice، تش شعر بدني
زوزو: مش كتير nice يا ابو جريج. ليك، مزبوط انك بتهتم كمان باللاجئين بالمناطق المتضررة من النزاعات؟
جورج: yes of course. نشاطي الانساني كبير بالشرق الأوسط و شاركت بجهود لرفع الوعي بالأزمات بالسودان والعراق وسوريا، ودعمت حقوق اللاجئين ، وهيدا اكبر دليل اني بهتم بالجانب الإنساني أكتر من الجوانب العسكرية.
زوزو: طيب عظيم، شو رأيك تلاقيلنا حلّ للنازحين عنا، بعيد عن الكارنتينا. اذا ما تصرفت فورا، الجانب العسكري اللي بتكرهو رح ينفجر .
كلوني: what can i do?
زوزو: u can do كتير يا تسلملي. انت وعيلتك هلأ عايشين بفرنسا ومعكن جنسيات فرنسية. شو رأيك تاخدهم لعندك عَ فرنسا؟ ما فرنسا هي أمنا الحنونة.
جورج: رح اتشاور مع الرئيس ماكرون وبرجعلك.
زوزو: طيب، خلينا ننتقل للملف الفني.معقول يا جرجي ، يا صهرنا، يا سندة ضهرنا، تكون اهم نجم بالعالم، وما تحاول تدعم الدراما اللبنانية؟ لمعلوماتك الحرب كمان على درامتنا. محاصرينا والمعابر مسكّرة بيننا وبين العالم العربي، وانجأ عم يمرق مسلسل واحد لبناني بالسنة.مش على اساس انت صهر لبنان؟ يلا move your ass
كلوني: ok , بس انا عندي شرط. ممنوع مشاهد الحب والغرام وال kisses . امل ما بتسمحلي.
زوزو: مش مشكلة. رح منشيل من ليستة الممثلات، كارين رزقالله. بعدا فاقعة يورغو شلهوب بوستين تلاتة بمسلسل ” المحافظة١٥”.
كلوني: طيب great.
زوزو: هيدا حكي. يا الله يا ريت حكيتك بكير، كنت شاركت بمسلسل ” بالحرام”. اكيد كان لبقلك دور clown يا كلوني. مش مشكلة، خيرا بغيرا. هلأ منعمل زووم ميتينغ مع جمال سنان وانشالله بتتفقوا على مسلسل رمضان ٢٠٢٧. اصلا انت رح تتفق كتير مع ماغي بو غصن، هي متلك بتهتم كتير بالقضايا الانسانية ، وحقوق الانسان من اولوياتا، متل مدامتك امل يعني. واذا بدّك فينا نطلّع الست أمل بمشهد كضيفة شرف. اكيد فينا، متل نيشان وبديع ابو شقرا بمسلسل ” بالحرام” ومنى ابو حمزة بمسلسل ” للموت”.
كلوني: منى ابو حمزة؟ do i know her؟
زوزو: وكيف لكان؟ ما بتعرف غيرا. هي قرايب مع مرتك يا قباري.
كلوني: oh really? small world!
زوزو: small world ايه، بس مشاكلنا big world يا ابو جريج. خلّينا نكون practical. بدنا منك 3 أشياء: دعم الدراما، ضغط دولي خفيف ظريف، وكم صورة على إنستغرام مع تبولة.
كلوني: i love tabbouleh بس شو يعني ضغط خفيف؟
زوزو: يعني بتعملنا كم جلسة ع فنجان قهوة مع ماكرون ، وبتحكي كلمتين حلوين عن لبنان… “ce pays mérite la vie” وهيك قصص بتبكّي الفرنسيين.
كلوني: ok that i can do.
زوزو: وبخصوص الفن. بدنا ياك بمسلسل تقيل. بس مش clown هالمرة، بدنا role تقيل.
كلوني: like what؟
زوزو: رجل أعمال عالمي بيجي على لبنان، بينغرم بالبلد (مش بمرا، لانو ممنوع ال kisses متل ما قلت)، وبيقرر ينقذ الاقتصاد.
كلوني: sounds unrealistic.
زوزو: حياتنا كلها unrealistic يا حبيبي، بعدين ما تعتل همّ، منخلي ندين جابر تحبكها مزبوط.
كلوني: طيب واذا نجح المسلسل؟
زوزو: اذا نجح؟ منرشّحو لجائزة موركس دور.
كلوني: حلو… حلو كتير.
زوزو: آخر سؤال، straight to the point: لو خيّروك بين هوليوود ولبنان؟
كلوني: Hollywood is my home… بس لبنان is my heart
زوزو: أهلييييين !!!