Connect with us

Newsme

اليسا وهيفا هنّي لتّنين… فيتامين سي على اوكسيجين

Published

on

‎رأي بالعربي المشبرح ومن القلب بقلم جوزفين حبشي

عن جد، عن جد مش عم بشبع من ‎اغنية اليسا ” هنغني كمان وكمان”، ولا من هالكلمات البسيطة والحقيقة اللي بتفوت دغري عالقلب، واللحن المنعش متل نسمة هوا، والفيديو المهضوم والعفوي ( كلمات شادي نور، الحان محمد يحيى، اخراج ايلي رزقالله). صرت سامعة الاغنية وشايفي الفيديو شي ٣٠ مرة من امبارح لليوم. عن جد انو متل الاوكسيجين، وعن جد انو اليسا مش بس فنانة وانسانة، اليسا كتيييير ذكية. اليسا مش بس بتعرف تبث رسائل ايجابية، وترفع المعنويات وتحارب مشاكل وتوعّي على آفات وتدعم قضايا انسانية ووطنية (متل العنف ضد المرأة والوقاية من سرطان الثدي ، والانتحار والثورة وغيرن)، اليسا بتعرف كمان باحساسا كيف تفرّحنا وتبسطنا وتكون حقيقية وبتشبه الناس والمجتمع، وفوق هيدا كلو بتقدر بشطارتها وذكاها تقطف نجاح وتحقق سكوبات وتتربع على عرش التراند .
‎للصراحة ما بعرف اذا الفيديو هو فكرتها ، بس برااااافو طويلة عريضة على هالفكرة الاوريجينال اللي بعد ما حدا سبقها عليها (بظن) وبرافو لأنها فكّرت تطلب من هيفا تشارك بالفيديو ، وبرافو لهيفا اللي فاتت باللعبة، وبرافو لإلهن تنيناتن لأنهن ربحوا فانزات بعضن، وربحوا اعجابنا وتقديرنا، وربّحونا كلنا اغنية اقوى من الفيتامين سي، بتحمينا من فيروس اليأس والتشاؤم ، وبتمدنا بالطاقة والحيوية والأمل.
‎ما احلاهن بهالبيجامات الزهر ، والحياة الشبيها بال La Vie en Rose يللي خلقولنا ياها هنّي ومزروبين بالبيت، وما احلى تفاعُلن ورقصن ونطّن اللي سفّرنا لمطارح حلوة، وما احلى فكرة ادخال لقطات من اصحاب و”فانز” لاليسا، كلن بالبيت عم بيغنوا معها، وعم بيعيشوا ورح يعيشوا الفرح تحت ايا ظروف.
‎اغنية رائعة وكليب ما مكلّف شي، ومع هيك هو اقوى واهمّ كليب انعمل لهلأ برأيي، لأنو بيجسد واقعنا وحبنا للحياة ورفضنا نستسلم، حتى نحنا ومزروبين بالبيت.
‎ويلااااااا
‎هنعيييييش لسه يا ما ونشوف
‎هنعييييش تحت اي ظروووف
‎وهنغني كمان وكمان


❤️❤️❤️❤️

Continue Reading
Advertisement Ad placeholder
Click to comment

Leave a Reply

لن يتم نشر عنوان بريدك الإلكتروني. الحقول الإلزامية مشار إليها بـ *

Advertisement Ad placeholder

أحدث التعليقات

التقويم

مارس 2024
ن ث أرب خ ج س د
 123
45678910
11121314151617
18192021222324
25262728293031

الارشيف

© كافة الحقوق محقوظة 2023 | أخبار الشرق الأوسط - News Me | تصميم و تطوير TRIPLEA