بقلم جوزفين حبشي

كنت فكر انو الشغف عمرو قصير، طلعت غلطانة.
الشغف اذا انوجد بين شخصين ما ممكن ينتهي. ممكن يبطلوا العشقانين سوا بس الشغف بيبقى وممكن يرجع يولع بأي لحظة. هون رح تقولولي انو نحنا عشنا شغف كبير بس الرجال او المرا اللي حبيناهن، تركونا وما عادوا سألوا عنا وفينا.
ايه صحيح ممكن يتركوكن او تتركوهن بس هيدا ما بيعني انو الشغف انتهى. كيف؟
رح اشرحلكن ياها بطريقة سهلة:
بيقولوا” الناس اشكال والوان”، انا برأيي الناس الوان وبس. وكل الالوان حلوة ، بس مش كل الاوان بتركب مع بعضا. في الوان بتمشي مع بعض، بس في الوان بتشرقط سوا، بتضوي سوا، متل ما في الوان ولا ممكن تزبط سوا . بتطلع باهتة او مش لابقة ابدا.
لناخود اللون الذهبي مثلا، لو شكيتوا براسو ريش رح يبقى لابق كتير وشيك مع الاسود . بس يمكن الذهبي يطلع على بالو ينعنش شوي ويجدد شبابو مع الابيض، او يجنّ مع الاحمر او يفرقع مع الفضي. بس هيدا ما بيعني انو بطّل لابق مع الاسود. ارجعوا حطوه مع الاسود وشوفوا…
على فكرة، هيدي الفلسفة العظيمة،ما الها علاقة ببرنامجي على اذاعة لبنان، “ابيض، اسود، دهبي”، فاقتضى التوضيح?

#طالع_عبالي_اتفلسف