Connect with us

Newsme

عايشين كتير healthy، بوطن كتير hell-thy

Published

on

بقلم جوزفين حبشي

النجم آل باتشينو قالها. قال اذا اكلت صحي، ومارست الرياضة بانتظام وامتنعت عن التدخين والشرب، رح تموت بصحة جيدة. وقبل منو المطربة طروب ، ومن بعدا الين خلف غنوا ” يا صبابين الشاي” ويللي ما بيعشق وبيسهر، لشو بالله حياتو.
مناسبة هالحديث، انو معن حق. هيك هيك آكلينا كلنا وكلنا رح منموت، وبما انو ما حدا رح يبقى ” طيب” بعد عمرا “طويل”، خلونا على القليلة نعوّض الموت الجحيمي اللي عايشينو بقطعة هالسما ، وناكل حلو مع الكاس المر اللي عم نشربو ، ومش ضروري يعني يكون العمر طويل.
اسمعوا مني، بلا healthy بلا بلوط، كلوا ما لذ وطاب، لأنو هيك هيك بهالبلد نحنا ميّتين.
اكيد هلأ رح تقوم عليّ قيامة جماعة الاكل الصحي والسليم وال bio وال organic و vegetarian food والنوادي الرياضية وكل من انتمى لهم في الوطن والمهجر،بس انا والحق يقال، ضامنة الدولة توقف معي وتزقفلي وتدعمني بقوة. الدولة مبسوطة فيي لأني بحب كل شي مش healthy ، وبموت فيه ، من المقالي والدسامة والحلو والسيكارة ، وال carbs و ال fat (حتى لو ما عاد fat فيي الجينز) وصولا لقالب الكاتو وحبة الكرز على راسو، هالبلد الموبوء والزعما التحفة اللي عم زقفلن ولاحقتن عالعمياني . هالزعما اللي بموت فيهن وعم موت كرمالن وانا ساكتة عن كل شي عم يعملوا العمايل فيّي وفيكن وبولادنا ومستقبلن واحلامن. بدكن تقولولي انو نحنا شعب healthy وقبلانين ناكل كل شي عم بيطعمونا ياه من…!!!!
إنو شو؟ اذا عملنا رياضة بالهواء الطلق المليان ميكروبات ، واكلنا خسة مروية بميّة مجارير، وما دخننا قد داخون الزوق، وما اكلنا كل قالب الجبنة لوحدنا متل “هونيك ناس” ، منكون صح وصاحيين وصحيّن؟ منموت رشيقين وحلوين وبشرتنا نقية وصحة كرامتنا حديد؟ بدكن تسمحولي فيها، بس اذا كمّلنا نغمّض عيوننا وندير الدينة الطرشا ونسكّر تمّنا ، واذا امتنعنا نقول ” لأ شكرا، بالافراح، نحنا مش جايين نجربكم، بس بدكن تعذرونا لأنو نحنا عاملين دايت على كل هالمغريات والمهريات اللي عم بتطعمونا ياها ليل نهار، واذا اصرّينا نعمل jogging ونركض ركض عالمهوار، ونعيش “بالطول” وما نضرب” عرض” الحائط كل اللي عم بيفوتونا بالحيط، بيكون برافو علينا وخرجنا نعيش hell- thy .

Continue Reading
Advertisement Ad placeholder
Click to comment

Leave a Reply

لن يتم نشر عنوان بريدك الإلكتروني. الحقول الإلزامية مشار إليها بـ *

Advertisement Ad placeholder

أحدث التعليقات

التقويم

مارس 2024
ن ث أرب خ ج س د
 123
45678910
11121314151617
18192021222324
25262728293031

الارشيف

© كافة الحقوق محقوظة 2023 | أخبار الشرق الأوسط - News Me | تصميم و تطوير TRIPLEA