Uncategorized
مقابلة مع سلمى حايك:Mission Possible
جوزيفين حبشي
لنفترض إنو المقابلة مع النجمة العالمية سلمى حايك هي mission :possible . شو ممكن زوزو تسأل سلمى؟
زوزو : يا سلمى
سلمى: ايه، مين؟
زوزو: انا زوزو. كيفك كيفك يا سلمى ؟
سلمى: نشكر الله
زوزو: شو قلتي؟
سلمى: عم قلك نشكر الله
زوزو: ما تواخذيني يا سلمى، بس على صوت الMK والقصف والغارات مش عم بسمع منيح. انتي من عندك شو سامعتيلنا يا سلمى؟ مطولة القصة عنا؟
سلمى: هلأ صحيح انا انتجت فيلم انيميشن عن ” النبي” لجبران، وافتتحتو بال ٢٠١٥ بلبنان، وصحيح انا من بيت حايك، بس Unfortunately انا مش نبي ولا بقرب ميشال حايك يا تسلميلي. So ما بعرف اذا مطوّلة أو لأ.
زوزو: انشالله ما تطوّل، وانشالله نشوفك قريبا عنا عم تنتجي أو عم بتمثلي بشي فيلم او مسلسل لبناني. شو رأيك؟
سلمى: Claro, اكيد بيشرّفني
زوزو: الشرف إلنا صراحة. طيب مع ايّا مخرج لبناني عبالك تشتغلي؟
سلمى: عبالي اشتغل مع المخرجة نادين لبكي.
زوزو: good choice يا سلمى، بعدين لمعلوماتك نادين مخرجة عالمية وفيلما “كفرناحوم” ترشّح للاوسكار.
Screenshot
سلمى: i know, i know , بس مش بس كرمال هيك. سمعت إنو نادين من بعبدات، و Mi papá سامي من بعبدات كمان.
زوزو: يا محتالة يا سلمى ، شو سَمَعيك منيح. طيب ومع مين من الممثلين بلبنان بتحبي تمثلي؟
سلمى: مع …ريتا حايك
زوزو: ليش بقى؟ لأنها من عيلتك؟
سلمى: no، مش بس كرمال هيك، لأنها ممثلة شاطرة ، وفيلما The Insult ترشّح كمان للاوسكار، وفوق هيدا كله بتشبهني شوي. حلو نلعب دور أم وبنتا. What do you think?
Screenshot
زوزو: mamma mia , حلوة الفكرة، بس عن جد وبلا مجاملة يا سلمى ، مبيّنة اختا لريتا . شو رأيك تعملي جزء جديد انتي وريتا من مسلسل ” الشقيقتان”, من اخراج سمير حبشي؟
سلمى: ليش بقى؟ لأنه من عيلتك؟
زوزو: no, مش كرمال هيك بس، لأنه شاطر ومخرج اول جزء كمان.
سلمى: هلأ رح بتزعليني مع نادين
زوزو: نادين الراسي؟ no ما بتزعل.راسا كبير.
سلمى: no,نادين لبكي. خلص …وجعتيلي راسي، وبلا هاللبكي كلا now. لما تبقى تروق، بنبقى منحكي ومنتفق. Yalla Stay safe and i love lebanon
