فن ومشاهير
بعد تعرضه لأزمة صحية مفاجئة… تامر حسني يكشف آخر تطورات وضع ابنه الصحي
كشف النجم تامر حسني آخر تطورات وضع ابنه آدم الصحي، وذلك بعد تعرضه لأزمة مفاجئة استدعت دخوله إلى المستشفى قبل أيام.
وقال تامر حسني في منشور عبر حساباته على مواقع التواصل إن ابنه خضع لعمليتين جراحيتين بسبب انفجار الزائدة الدودية وحثّ جمهوره على عدم إهمال أي أعراض قد يشعر بها أولادهم.
وجاء في المنشور: “أنا مش عارف أشكركم إزاي على كمّ الدعوات اللي دعيتوها لربنا لشفاء آدم ابني اللي جاتلي منكم هنا وعلى تليفوني وتليفونات كل المحيطين بيا هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية بس وبقولكم كده عشان تبقوا حريصين مع نفسكم أكتر ولولادكم. ومش كل سخونية تقولوا ده شوية برد وخلاص لا روحوا اكشفوا كويس و اعملوا سونار على البطن و الزايدة مرة و٢ عشان برضو ساعات مش بيبان و لازم الدكتور يضغط بطريقة معيّنة، تقريباً أقوى شوية عشان يعرف لإني سمعت كتير اليومين دول إن الزايدة خادعة”.
وأضاف: “اطمنوا كذا مرة قبل لحظة انفجارها عشان بجد مشاكل بتحصل بعدها كبيرة و محزنة أوي وحبيبي آدم عمل عمليتين صعبين أوي عليه وبدعواتكم مستنيين النتايج تكون خير يارب ويعدي مرحلة الخطر يارب، بحق كن فيكون اشفيه وعافيه، هو وكل ولادنا بس هو راجل و هيتحمل وإن شاء الله ربنا يكرمه ويعافيه ويحفظه هو وإخواته ويحفظ كل ولادكم يارب”.
وتابع حسني: “وأحب أقول تاني شكراً من كل قلبي على دعواتكم. أنا شايف قلب كل حد فيكم وهو بيدعي بصدق متشكر أوي يا جماعة شكراً لكل اللي اهتم وسأل عن ابني ودعاله هنا أو على التليفون واللي طلعوله صدقات لشفائه من غير ما يعرفونا شخصياً أنا مش لاقي كلام أشكركم بيه وأنا برضو بدعيلكم وبقول لكم مثلها وأضعاف أضعافها وربنا يحفظكم ويحفظ أولادكم قادر يا كريم”.
