شغلة فكر على مسرح مونو

يستعد مسرح مونو لإستقبال  مسرحية “شغلة فكر” من ٣ تموز حتى ١٧ منه، وهي مقتبسة عن مسرحية The Good Doctor، للكاتب العالمي نيل سايمون، وتولى القدير غبريال يمين كتابة نصّها واخراجها، وهي من بطولة  طلال الجردي، طارق تميم، سلمى شلبي، عامر فياض، علي بليبل، كايتي يونس، كريس حداد، مابيل طوق و ماييف ليشع، و من إنتاج 3A Production للمنتج أنور علم الدين.
يروي غبريال يمين عن العمل على طريقته و بالعامية: مسرحية شغلة فكر بتحكي كذا قصة بتمزج الضحك والتأثير. الكاتب مبيّن عليه قلقان ومحبط مش قادر يكتب مع انه كتير حابب. هو وعم يحكي عن معاناته مع الكتابة، بصير شي غريب…فجأة ببلّش يفوت بفكرة ويطلع من فكرة  وبصيروا الشخصيات يتجسدوا عالمسرح  وبيفهم  الجمهور انن رح  يعيشوا تجربة ما بين خيال الكاتب  وواقع  شخصياته . عم بعمل المسرحية تحتى ينبسطوا الناس  و نحنا  ننبسط و بس، يختم غبريال.
و من جهته صرح المنتج  أنور علم الدين: ” نصيب ثلاثة عصافير بحجر واحد، نشجع الأعمال الثقافية والفنية على أبواب الصيف، نخلق فرص عمل للطاقات الشابة و نستمتع بكوميديا نحن بأمس الحاجة إليها”.