مبروك ايلي، بس “صعب” عليك تعزمني ؟؟؟؟ بقلم جوزفين حبشي

بقلم جوزفين حبشي

‎قد ما صرت شايفة فيديوات، وناس
‎وفنانين وسياسيين ومشاهير ونجوم على عدد شعر الراس والستراس المشكوكين بفساتين عروس ايلي جونيور، ابن المصمم العالمي ايلي صعب، صرت حاسة انو انا وحدي يمكن اللي ما كنت معزومة عالعرس?
‎بسيطة يا ايلي، يا ضيعان المحبة.
‎انو بتعزم الرئيس سعد الحريري ، وانا لأ؟ بتعزم اليسا وهيفا وهبي ونانسي عجرم وعاصي الحلاني ، وانا لأ؟؟؟ انو وقفت عليي انا؟ عامل ٣ ليالي افراح وما عامل حسابي؟؟؟؟ انو اذا صعب عليي اشتري من عندك، بتكسر بخاطري وما بتعزمني؟ ليك انا رح كبّر عقلي وما رح ازعل منك، بس بليز بكرا اوعا تزعل مني اذا شفتني لابسة ومشيّكة من عند Zara و… قد اعذر من an-Zara?

من القلب الف مبروك للعروسين، وللمصمم اللي رافع راسنا واسم لبنان بالعالم، وبيلبقلك الفرح❤